Nobyembre 05, 2021 – Sa pagsuporta sa pilot implementation ng limited face-to-face classes, nagdaos ang Kagawaran ng Edukasyon (DepEd) ng oryentasyon sa 100 identified school implementers at kanilang mga pinuno sa pagtuturo sa teaching-learning na component.
Sa pamamagitan ng birtwal na plataporma na inorganisa ng Bureau of Learning Delivery (BLD), mahigit 485 NA CLMD at CID na mga pinuno, education program supervisors, mga pinuno ng paaralan, at mga guro sa Grade 1 hanggang 3 at SHS TVL ay nagtipon-tipon upang matuto tungkol sa operational dynamics at interplay sa pagitan ng distance learning at face-to-face classes.
Nagbigay ang BLD specialists ng kanilang mga sesyon sa Designing Learning Progress Checklist (LPC), Implementing Considerations for Inclusivity, Developing the Weekly Home Learning Plan, at Understanding the Blended Learning Process bilang mga kritikal na aspekto na ikokonsidera sa pinagsamang in-school at off-school approaches.
Bawat sesyon ay agad na sinundan ng malayang talakayan upang mailahad ang mga katanungan at linawin ang mga alalahanin sa proseso ng teaching-learning na kasama sa karanasan ng blended learning.
Sinundan ang mga sesyon ng workshop sa pagbuo ng LPC bilang pangunahing assessment tool na mahalaga para sa learner’s performance gayundin sa mga targeted learning competencies para sa second quarter.
Upang makamit ang saysay ng progreso ng pagkatuto, sinabi ni Pangalawang Kalihim sa Curriculum and Instruction Diosdado M. San Antonio, “We have to ensure that learners are on-task and that every moment we spend with them is productive. We have to be patient and considerate of our learners because their well-being is as important as the efforts we exert to foster their cognitive development.”
Samantala, binigyang diin ni BLD Director Leila P. Areola na naka-angkla sa shared responsibility ang pangunahing prinsipyo ng pilot implementation ng face-to-face classes, habang itinatampok ang kahalagahan ng sama-samang pagtutulungan upang masiguro ang kaligtasan ng bawat mag-aaral at sumusunod sa mahigpit na panuntunang pangkalusugan at pangkaligtasan.
“Conducting the limited face-to-face classes is as important as looking at it with the same perspective to make ourselves as co-owners of this endeavor to ensure that learning happens,” dagdag ni Areola.
Nakatakda na ilabas ang memorandum ng mga inaasahang gawain para sa teaching-learning component ng pilot implementation ng limited face-to-face classes sa mga rehiyon na may mga pilot school implementers.
[Full article (English): https://www.deped.gov.ph/.../deped-orients-pilot-f2f...]
#SulongEduKalidad #DepEdPhilippines #DepEdTayo
Source: DepEd Philippines
0 Comments